Candil curvado (Onychogomphus uncatus)

  Onte facía umha mostraxe polo río Xuvia en San Sadurniño coa idea de buscar novas poboacións de Oxygastra curtisii. Non tiven sorte con ela pero si había moitos exemplares de Candil curvado (Onychogomphus uncatus), outra libeliña típica dos nosos ríos.


  Aínda que resulta moi difícil fotografar estas libélulas nos claro-escuros baixo o bosque galería.


   O Xuvia neste tramo non está tan ben conservado coma O Belelle (quizá por iso non haxa Oxygastra) mais ten aínda unha boa representación de fauna fluvial.


  Na escuridade baixo a floresta conseguín tirar unha foto en voó logo de varios intentos.


 Máis doado resulta cando pousan no chan aberto, costume que comparten cos libélulas do xénero Orthetrum, aínda que os gónfidos como este candil son moito máis nervosos e inquedos.



 Varias femias ovopositaban tocando brevemente na auga co abdome e unha parella formou tándem xusto diante miña. Eu, que son medio voyeur, non me resistín a afotalos.


  Se vos fixades na imaxe anterior o macho mantén collido o "pescozo" da femia cos seus grandes apéndices anais.

  Despois da cópula o macho pousou nunha estaca para fumar un cigarro, momento en que me permitíu achegarme ata case tocalo (estaría cansado logo da faena).


   E nos despedimos cun futuro gran depredador de de libeliñas. Este voantón de lavandeira real demostrou que xa está feito un consumado cazador e capturou diante miña unha despistada Calopteryx.


  Máis nada por hoxe. Grazas por me ler.