Unha tarde co mestre Fran

   Hoxe botei a tarde con Fran Nieto e Anabel Viñas. Tiña ganas de ensinarlle a cámara a Fran e de escoitar a súa opinión experta. Como todos os que saben de verdade non fixo máis que loubar as cualidades da máquina nunha pequena toma de contacto.


   Estar con alguén así é garantía de aprendizaxe. Sempre volves a casa cun saco de coñecimento novo e ardes en desexos de poñelo en práctica. Aproveitou unha paisaxe co asteleiro e un ceo espectacular para ensinarme algo sobre o equilibrio nas composicións.


  Simplemente probando o enfoque Fran afotou sen querer un parrulo mergullador, especie non moi habitual na ría. Haberá que volver para identificalo mellor.


 Tampouco faltou a Garza branca do Seixo.


  Despois viñeron á miña casa, onde tiven ocasión de continuar aprendiendo un montón de cousas sobre brillos, niveis, contrastes, texturas e mil cousas máis.
.

  E logo de escoitar as súas palabras estou aínda máis convencido do extrordinario desta nova cámara que acabo de adquirir.