Incremento de podiceps

    Esta fin de semana foi pasada por auga, como toca no mes de Novembro. E adiqueime a "fozar" na Sony, aprendendo cousas que vou lendo no manual; e agora estou coa gravación de vídeos.
     Non sei que fago mal pero non me convence a cousa. Os vídeos en si quedan impresionantes, pero logo de botar media hora esperando a que acabe de subir a Internet, perde un montón de cualidade e non sei sen paga a pena o esforzo. Non entendo que un arquivo de 60 megas e dez segundos de duración non teña maior resolución na pantalla do PC unha vez publicado (se o abres antes co visor vese moito mellor así que o problema non está na cámara).

En fin, comentar que houbo un incremento no número de mergullóns sedimentados na ría de Ferrol, con 38 Mergullóns de pescozo negro (Podiceps nigricollis) e 3 cristados (Podiceps cristatus) contados este venres en augas deManiños, como case sempre.


   En malas condicións a Sony vai como un cañón. E xa non vou facer comparativas coas Canon pequenas porque non necesito facelas para saber o resultado. Para min non hai debate posíbel. Aínda que as fotos de hoxe non fan moita proba (foron nunhas circunstancias moi complicadas)
 


  Ben, aqui sigo, esperando novidades.


  Entrada breve, como vedes.